وەزیری دەرەوەی فەرەنسا، جان-نۆئێل بارۆت، لە پەیامێکدا پێشوازی لە ڕێککەوتنی نێوان فەرماندەی گشتیی هێزەکانی سووریای دیموکراتیک (هەسەدە) مەزڵوم عەبدی و سەرۆکی سووریای قۆناغی گواستنەوە ئەحمەد شەرع کرد.
جان-نۆئێل بارۆت، گوتی: پێویستە ئەم ڕێککەوتنە ماف و ئەمنییەتی هاوبەشانی کوردمان گەرەنتی بکات و ئێمە لەسەر پشتیوانیکردنی کوردانی سووریا بەردەوام دەبین.
جان-نۆئێل بارۆت هەر لەم پەیامەدا جەختی کردەوە پێویستە شەڕی دژی داعش بەردەوام بێت و ئەمەش لە کاتێکدایە هێزەکانی سووریای دیموکراتیک وەک هێزی سەرەکی بۆ شکاندنی داعش و هەڕەشە و مەترسییەکانی لە سووریا دادەنرێت.
هەواڵی پێشوو