سەرەڕای ئەو هەوڵانەی بۆ ئاساییکردنەوەی پەیوەندییەکانی نێوان ئیسرائیل و لوبنان باس دەکرێن ، سەرچاوەیەکی باڵای لوبنانی ئەم هەواڵانە ڕەت دەکاتەوە.
پێشتر بەرپرسێکی باڵای ئیسرائیلی ڕایگەیاندبوو ئامانجیان لە گفتوگۆ نوێیەکاندا ئاساییکردنەوەی تەواوی پەیوەندییەکانە لەگەڵ لوبنان، بەڵام تا ئێستا هیچ لایەنێکی فەرمیی لە لوبنان ئەو قسانەی پشتڕاست نەکردووەتەوە.
باس لەوەش کراوە، ئەو گروپە کارییانەی بڕیارە لە داهاتوودا دابمەزرێن، تەرکیز دەخەنە سەر سنوور، بوونی سوپای ئیسرائیل و دەستبەسەرکراوە لوبنانییەکان، بەڵام ئامانجی ئیسرائیل ئەمەیە کە ڕێککەوتنێکی گشتگیر لەگەڵ لوبنان واژۆ بکات.
شایەنی باسە، ئیسرائیل و لوبنان یەکتر بە فەرمی ناناسن، بەڵام لە ڕابردوودا ڕێککەوتننامەیەکی ئاشتی کورتخایەنیان واژۆ کردووە.
