وەزارەتی شارەوانی و گەشتوگوزاری حکومەتی هەرێمی کوردستان بڵاویکردەوە :” لەسەر ڕاسپاردەی مەسرور بارزانی، سەرۆكی حكومەتی هەرێمی كوردستان پرۆژەیەكی تری خزمەتگوزاریی دروستكردنی شەقام لە گەڕەكی 8ی حەسارۆك كەوتە بواری جێبەجێكردنەوە.
سەرلەبەیانی ئەمڕۆ دووشەممە 17ی ئاداری 2025 بە ئامادەبوونی ساسان عەونی، وەزیری شارەوانی و گەشتوگوزار و ئومێد خۆشناو، پارێزگاری هەولێر و كارزان عەبدولهادی سەرۆكی شارەوانیی هەولێر و كۆمپانیای جێبەجێكار و ئەندازیارانی پرۆژەكە، بەردی بناغەی پرۆژەی كاری خۆڵكاری بۆ بەشێك لە شەقامە ناوخۆییەكانی زۆنی A لە كەرتی 8ی حەسارۆك دانرا و گوژمەی پێویستی بۆ خەرج کرا.