بەرپرسێ راگەهاندنا ساخلەمیا قەزا ئاکرێ راگەهاند کو، چەندین تیمێن ساخلەمییێ داناینە ب سەرپەرشتیا راسەوخویا رێڤەبەرێ ساخلەمیا ئاکرێ تیمێن جێگیر بو جهێن ڤەحەویانا گەشتیارا هاتینە دانان و تیمێن گەروگ هاتینە دانان کو بەردەوام هاتن و چونێ بکەن دناڤ گەشتیاران دا.
نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ، ب ئاژانسا نوچەیا زاگرۆس راگەھاند: بو روژا ٢٠/٣/٢٠٢٥ روژا هەلکرنا ئاگری ل ئاکرێ رێڤەبەریا ساخلەمیا ئاکرێ چەندین تیمێن ساخلەمییێ داناینە ب سەرپەرشتیا راسەوخویا دکتور سروار شیخ مصلح مصطفی رێڤەبەرێ ساخلەمیا ئاکرێ
کو ب ڤی شێوەی نە :
(٥) تیمێن جێگیر بو جهێن ڤەحەویانا گەشتیارا هاتینە دانان:
ـ بنگەهێ ساخلەمیێ ئاکرێ
ـ بنگەهێ ساخلەمیێ میرحاج
ـ بنگەهێ ساخلەمیێ مهەت
ـ سەرێ گری
ـ بەردەرگەهێ قشلێ
هەروەسا، (٥) تیمێن گەروگ هاتینە دانان کو بەردەوام هاتن و چونێ بکەن دناڤ گەشتیاران دا :
ـ سەرێ تیشی
ـ کانی زەرک
ـ غابات هنداف رەفایێ
ـ گرێ شیخ ماڤ
ـ گەلیێ شیخ عبدالعزیز
بەرپرسێ راگەهاندنا ساخلەمیا قەزا ئاکرێ گوت: ئامادەکاری ل هەردوو نەخوشخانەیێن مە ل بەشێ هەوارهاتنێ هاتینە کرن بو هەر حالەتەکێ پێویستی پێ بیت .
هەوەوەسا نێچیرڤان فەخرەدین ھەرکی، بەرپرسێ راگەهاندنا ساخلەمیا قەزا ئاکرێ، ئەڤچەندیش بۆ ئاژانسا نوچەیا زاگرۆس دیارکر، کو تیما ١٢٢ هاتیە ئامادەکرن بو هەرحالەتەکێ نەخازراو، داخازێ ل خەلکێ خو یێ خوشتڤی و گەشتیارێن هێژا دکەین بو هەرحالەتەکی نەخازراو پەیوەندیێ ب هێلا١٢٢یێ بکەن یان نزیکترین تیم ل جهی ئاگەهدار بکەن، داخازا دەمێن خوش بو هەوە دخازین و ژ خودێ دخازین گیانی هەمی هەڤوەلاتیا یێ پاراستی بیت و دوویربن ژ هەر نەخوشیەکێ .
رێباز یونس