ئەمڕۆ 20ی ئاداری 2025 لە میانەی سەردانی شاندی مەکتەبی پەیوەندییەکانی دەرەوە پارتی دیموکراتی کوردستان بۆ مۆسکۆ سەردانی زانکۆی میری لۆمانۆسەڤ یان کرد و چاویان بە بەڕێز دکتۆر مایا ئەمیری و ئەلێگ خریسانفۆڤ توێژەر و بڕیاردەری کۆلێژی زانستی زمان و کەلتوور ئاسیای ناوەراست و قەفقازیا.
شاندی مەکتەبی پەیوەندییەکان پێکهاتبوو لە د. نەوزاد محمد عزیز، ئەندامی مەکتەبی پەیوەندییەکانی دەرەوە و د. هەڤال نزارکی، لەو دیدارەدا باس لەو کۆنفرانسەکرا لە مانگی ڕابردوو ئەنجامدرا لەبارەی پرس و مێژووی کورد و ئەدەبی کلتوری کوردی لەژێر ناونیشانی سیاسەت و کلتور. جێگای ئاماژە پێدانە کە ئەو بەشەی زانکۆی میری مۆسکۆ لەسەر راسپاردەی وەزارەتی دەرەوەی ڕوسیا کۆنفرانسەکەیان رێکخستبو و کە ئامانج لێی گرنگی دانە بە ئەدەب و کلتوری میللەتان و لەنێویشیاندا کولتوری کوردی. کە لە ئایندەیەکی نزیکدا بەشی کوردی دەکرێتەوە و گرنگی زیاتر بە زمان و مێژوو و کولتوری کوردستان دەدات.
شایەنی باس بێت زانکۆی میری لۆمانۆسەڤی مۆسکۆ یەکەمین زانکۆیە لەسەر ئاستی رووسیا، وەتەمەنی ئەم زانکۆیە ٢٧٠ ساڵە. شاندی پەیوەندییەکانی دەرەوەی پارتی دیموکراتی کوردستان و بەناوی مەکتەب و بەرپرسی مەکتەبەوە پاڵپشتی بۆ ئەو بەشە دووپاتکردەوە و خۆشحاڵیی خۆیان پیشاندا بۆ ئەو کارە پیرۆز و گرنگە و بە بایەخەوە لێی دەڕوانن و بەو بۆنەیەشە تابلۆی شارەکانی هەرێمی کوردستانی پێشکەش بە بەشی ئاسیای ناوەراست و قەفقازیا لە زانکۆی میری مۆسکۆ کرد.