سەرۆکی هەرێمی کوردستان پرسه‌نامه‌يه‌ك ئاراستەی بنەماڵەی دکتۆر قەحتان جیهاد سورچی دەکات کە ئەمڕۆ بە رووداوی هاتووچۆ گیانی لەدەستداوە.
ئه‌مه‌ش ده‌قی پرسه‌نامه‌كه‌یه:
پرسه و سه‌ره‌خۆشى له خانه‌واده‌ى پزيشكى خوالێخۆشبوو قه‌حتان جيهاد سورچى ده‌كه‌م كه به‌داخه‌وه ئه‌مڕۆ له كاتى ئه‌رك و له ڕووداوێكى دڵته‌زێنی هاتوچۆدا له ناوچه‌ى مێرگه‌سۆر، گيانى له‌ده‌ست دا.
هاوسۆز و هاوخه‌مى خانه‌واده و كه‌سوكار و هاوڕێيان و هاوكارانى خوالێخۆشبووم، له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
نێچيرڤان بارزانى
سه‌رۆكى هه‌رێمى كوردستان
2025/3/21