د. شێخ حەسەن موفتی سەرۆكی لیژنەی فەتوای هەرێمی كوردستان رایگەیاند “دەنگۆی بڵاوبوونەوەی كەمكردنەوەی كاتی رۆژووی مانگی رەمەزان بۆ بانگی عەسر، پێچەوانەی دەقەكانی شەریعەتی پیرۆزی ئیسلامە، دەستكاریكردنی شەرعی خوایە، دەبێتە هۆكاری كوفر و دەرچوون لە ئایین”.
راشیگەیاند “قورئان دەفەرموێت “ثم أتموا الصیام إلی اللیل”، رۆژووەكان بەتەواوی بگرن و مەیشكێنن تا شەو، مەبەستی شەو سەرەتای شەوە كە ئێوارەیە، بۆیە كەمكردنەوەی ئەو كاتە بۆ كەس نابێت و سەروو كوفریشە”.
هەروەها رایگەیاند “قسەكردن لەبارەی كەمكردنەوەی كاتەكانی رۆژووگرتن باش نییە و فەتوای جیاواز دروست دەبێت و ئەوەش نیشانەی هاتنی قیامەتە و شتەكە باش نییە”.
چەند رۆژێك پێش ئێستا لە سعوودییە دەنگۆی ئەوە بڵاوبوویەوە كە ئەو وڵاتە بەنیازە بۆ ساڵانی داهاتوو كاتەكانی بەڕۆژووبوون تا بانگی عەسر كەم بكرێتەوە.