میدیای عیبری باسێکی وروژێنەریان لە کاتی کۆبوونەوەی سەرۆک ئەرکانی هاوبەشدا ئاشکرا کرد، کە ئاماژەیان بەوەداوە، سەرۆکی ئەرکانی سوپای ئێسرائیل هێرزی هالێڤی داوای دەست لەکارکێشانەوەی کردووە.
بەپێی ڕاپۆرتێکی ڕۆژنامەی “مەعاریف”، بەرپرسانی باڵای سەرکردایەتی سوپای ئیسرائیل، ڕایانگەیاندووە، پێویستە هێرزی هالێڤی، بەرپرسیارەتی هەڵبگرێت، هەروەها پێشوازی لە داوای دەستلەکارکێشانەوەکەی کراوە.
بەگوێرەی ڕۆژنامەکە، “پێدەچێت سەرکردە باڵا سەربازییەکان ئارام نەبن، چونکە لێدوانی ورووژێنەر لە کەناڵی 12ـی عیبری لە کۆبوونەوەی سەرۆک ئەرکانی هاوبەشەوە ئاشکرا بوو، کە تێیدا پێدەچێت ئەندامانی باڵای سوپا داوایان کردووە، هێرزی هالێڤی پێویستە کورسییەکەی چۆڵ بکات و دەست لەکارکێشانەوەی خۆی پێشکەش بکات.
یەکێک لە ژەنەڕاڵەکان لە کۆبوونەوەکەدا گوتی: “زۆر دەستکەوتی تاکتیکی هەیە کە وەرناگێڕێت بۆ دەستکەوتی ستراتیژی”.
هەروەها سەرۆکی ئەرکانی سوپای ئیسرائیل هێرزی هالێڤیەوە هاتووە: “پێویستە یەکگرتوو بین و ئامادە بین بۆ باکوور.”
ئا:ج