دواى زیاتر له بیست ساڵ پهخشكردن، بهڕێوهبهرى جێبهجێكارى دهزگاىMBN داخستنى كهناڵى ئاسمانی (حوڕه عیراق)ی ڕاگهیاند و لهگهڵ كهناڵی سهرهكى (حوڕه) تێكهڵ كرا.
جیفرى گودمان، بهڕێوهبهرى جێبهجێكارى دهزگاى MBN ڕۆژی دووشهممه 2ى ئهیلوولى 2024، ڕایگهیاند: “كهناڵى حوڕه عيراق تێكهڵ بهكهناڵی سهرهكی حوڕه دهكرێت”.
ئهو بهڕێوهبهره له ڕاگهیاندراوێكدا خهمبارى خۆى بۆ بێكاركردنى 160 كارمهند ڕاگهیاند كه بههۆى داخستنى كهناڵهكهوه بێكار دهبن، گوتیشی: “ژمارهى كارمهندهكان بۆ ڕێژهى 21 لهسهد كهم دهبێتهوه”.
باسى لهوهش كرد، ئهو گۆڕانكارییانهى كردوویانه”بههۆى بارودۆخێكهوهیه كه بهسهریاندا سهپێندراوه، بودجهى كۆمپانیاكه لهلایهن ئهنجومهنى پیرانى ئهمریكاوهوه كهمكراوهتهوه و خهرجییهكان بهنزیكهى 20 ملیۆن دۆلار كهمتر بوونهتهوه، گوتیشی: “مووچه و خهرجی كارمهندهكان دهگهشته نزیكهى 70 له سهدى خهرجی دامهزراوهكه”.
كهناڵى (حوڕه Alhurra) كهناڵێكی ئاسمانییه و بارهگاى سهرهكى له ویلایهته یهكگرتووهكانى ئهمریكایه، له 14ى شوباتى 2004 دهستى به پهخشكردن كرد.