بەگوێرەی ڕۆژنامەی تایمزی بەریتانی، پێنج خولە گەورەکە ڕێککەوتوون لەسەر داخستنی ماوەی گواستنەوەی هاوینە لە 15ی ئاب، پێش دەستپێکردنی ڕکابەرییەکانی وەرزەکانی داهاتوو.
ئاماژەی بەوەشکرد، بیرۆکەکە لە خولی ئینگلیزییەوە سەریهەڵداوە بە ڕەزامەندی سەرجەم یانەکان، دواتر چوار خولە گەورەکەی دیکە (ئیتاڵی، ئیسپانی، فەرەنسی و ئەڵمانی) پەیوەندییان پێوەکرد.
ئامانجی بیرۆکەکە ئەوەیە کە هەموو تیپەکان بە ڕیزبەندی کۆتاییەوە بچنە قۆناغی یەکەمی وەرزەوە، چونکە ڕاهێنەران لە وەرزەکانی ڕابردوودا گلەیی ئەوەیان هەبووە کە پێش کۆتایی هاتنی یارییەکانی مێرکاتۆ چەند قۆناغێکیان ئەنجامداوە.