ئەمڕۆ سێشەممە پشتڕاستیان کردەوە کە جوان لاپۆرتا سەرۆکی بەرشەلۆنە هەوڵدەدات گرێبەست لەگەڵ ئێرلینگ هالاند، هێرشبەری مانچستەر سیتی نەرویجی واژۆ بکات.
بەگوێرەی ڕۆژنامەی “سپۆرت”ی ئیسپانی، شاراوە نییە کە لاپۆرتا دەیەوێت گرێبەستێکی گەورە پێش کۆتایی هاتنی خولی سەرۆکایەتی بەرشەلۆنە تەواو بکات.
ڕۆژنامەکە ئاماژەی بەوەشکردووە، بەباشی دەزانرێت هالاند ئەو ناوەیە کە زۆرترین وەسوەسە بۆ سەرۆکی بەرشەلۆنە دەکات، سەرەڕای ئەو دۆخە داراییە ناجێگیرەی کە یانە کەتەلۆنییەکە ساڵانێکە بەدەستیەوە دەناڵێنێت.