ئاژانسێکی جیهانی بڵاویکردەوە، دانوستانەکانی بەڕێوەبەرایەتی نوێی سووریا و هەسەدە بە باشی بەڕێوەدەچن و لەوانەیە لە چەند مانگی داهاتوودا ڕێک بکەون.
ئاژانسی ڕۆیتەرز لە چەند سەرچاوەیەکی ئاگادارەوە بڵاویکردەوە، دانوستانەکانی بەڕێوەبەرایەتیی نوێی سووریا و هەسەدە بە ئارامی و نەرمی بەردەوامن و لەوانەیە لە چەند مانگی داهاتوودا ڕێککەوتنێک بکرێت.
ئەو ئاژانسە ئاشکرای کردووە، لەوانەیە لایەنە دانوستکارەکان لە چەند مانگی داهاتوودا بۆ چارەسەرکردنی کێشەی نێوان بەڕێوەبەرایەتیی نوێ و هێزەکانی سوریای دیموکرات ڕێک‌بکەون.
بەپێی ئەم سەرچاوانە، یەکێک لەو خاڵانەی ڕێککەوتنی لەسەر کراوە، ئەمەیە ژمارەیەک لە ئەندامانی هەسەدە لە باکووری ڕۆژهەڵاتی سووریا دەردەچن و ئەوانی دیکە دەکەونە ژێر دەسەڵاتی وەزارەتی بەرگریی ئەم وڵاتە.
ڕۆیتەرز لە کاتێکدا ئەم هەواڵانەی بڵاوکردووە، لە لایەکی دیکەوە کوردانی سووریا خەریکی ڕێکكەوتنن و بۆم مەبەستەش لەماوەی ڕابردوو مەزلووم عەبدی فەرماند‌ەی هێزەکانی سووریای دیموکرات لە هەولێر سەردانی سەرۆک مەسعود بارزانیی کرد.
وەزارەتی دەرەوەی ئەمریکا و چاودێرانیش ئەم سەردانەیان لە پێناو یەکگرتووی کوردانی ڕۆژئاوادا بە ئەرێنی ناو برد.