کیلیان مباپێی ئەستێرەی یانەی ڕیال مەدرید لە سەرەتای وەرزی مۆندیالی یانەکانی ڕیال مەدرید تووشی ڤایرۆسی کۆرۆنا بوو و بەهۆی هەوکردنی توندی گەدە و ڕیخۆڵە لە یارییەکانی بەرامبەر ئەلهیلال و پاچوکا بەشداری نەکرد.
بەگوێرەی ڕۆژنامەی مارکای ئیسپانی، باری تەندروستی مباپێ وایکردووە کێشی لە نێوان 4 بۆ 5 کیلۆ دابەزێنێت.
ڕۆژنامەکە دووپاتی کردەوە کە ئەمە کاریگەرییەکی بەرچاوی لەسەر لەشجوانی ئەستێرە فەرەنسیەکە دروستکردووە، بەڵام هەموو هەوڵێک دەدات بۆ گەڕانەوەی بەهێز و بەشداریکردن لەگەڵ ڕیال مەدرید بۆ ماوەی پاڵەوانێتیەکە.
هێشتا گومان هەیە لەسەر بەشداریکردنی مباپێ بەرامبەر سالزبۆرگ لە ڕۆژی هەینیدا. ئەگەر بەشداری نەکات ئەوا دەگەڕێتەوە بۆ یاریکردن لە قۆناغی ١٦.