بە گوێرەی زانیارییەکانی سپۆرت ئیلۆسترەیتد یانەی ئارسناڵ لە هەوڵی گواستنەوەی ئەنتۆنیۆ گۆردۆنی یاریزانی نیوکاسڵدایە لەم گواستنەوەی زستانەدا.
بەپێی ئەو ڕۆژنامەیە، یانە لەندەنییەکە هەوڵدەدات تواناکانی ئەو یاریزانە تەمەن 24 ساڵە بەکاربهێنێت بۆ بەهێزکردنی بژاردەکانی هێرشبردن لە وەرزی نوێدا، بۆ ئەوەی بەردەوام بێت لە ڕکابەریکردن لە سەرجەم پاڵەوانێتییەکان.
ئارسناڵ زۆر سەرسامە بە تواناکانی گۆردۆن، بە تایبەت لە بڕینی یاریزان و فشاری بەرز، ئەمەش وایکردووە نوێنەرانی گەنەرز بە یاریزانێکی باشی بزانن بۆ پێکهاتەکەیان.
سەرچاوەکە باسی لەوەکردووە، بەربەستی ئارسناڵ لەبەردەم ئەو گرێبەستە داواکارییە زۆرەکانی یانەی نیوکاسڵە چونکە داوای بڕی شکاندنی گرێبەستەکەی دەکەن، لە کاتێکدا نرخی شکاندنی گرێبەستەکەی 100 ملیۆن یۆرۆیە.