ئهڤرۆ ڕۆژا پێنجشهمبی ٢ی نیسانا ٢٠٢٦ێ لدور هێرشێن دڕونی یێن ڤان چەند روژێن بوری لسەر دهوکێ بەرێز “کارول ڤان ئێرت” پارێزگارێ باژارێ ڕێدن یێ هولەندا کو رێکەفتنەکا دوستی و هەڤکاریێ دگەل پارێزگەها دهوکێ هەیە نامەیەکا فەرمی ئاراستەی بهڕێز”.دعهلی تهتهر”پارێزگارێ دهۆكێ كر و تێدا دڵتەنگیا خویا کویر ل دور ڤان روودانان گەهاند.
بەرێز “کارول ڤان ئێرت” ئاماژە ب وێ چەندێ دایە کو دناڤا ئەنجومەنێ برێڤەبرنا باژارێ ڕێدن پشتەڤانی و هەڤسوزیا خو بو پارێزگەها دهوکێ نیشانددەت چونکە هەڤبەشیا هەردوو باژاران لسەر بنەمایا ڕێز و دوستایەتیێ هاتیە دانان، و هێرشێن ب ڤی شێوەیی لسەر باژارێ دهوکێ ئەو گەلەک دلگران کرینە لەورا دڤێ رەوشا نهادا دل و بیرێن باژارێ رێدن یێ لدەف خەلکێ باژارێ دهوکێ و هیڤیا وان ئەوە کو ئاشتی و ئارامی ب زووترین دەم ڤەگەریتەڤە پارێزگەها دهوکێ و هەرێما کوردستانێ ب گشتی.
هەژی ئاماژە پێکرنێیە باژارێ رێدن یێ هولەندا رێکەفتنەکا دوستی و هەڤکاریێ هەیە و بەرێز “کارول ڤان ئێرت” پارێزگارێ ڤی باژێری پێشتر دوو جاران سەرەدانا دهوکێ کریە و پەیوەندیێن موکم دناڤبەرا هەردوو باژاراندا ب تایبەتی د بوارێن کشتوکال و ئاڤێ و ریسایکلینێدا هەیە.