‎سەردانا رێزدار (مەسرور بارزانی) سەروکێ حکومەتا هەرێما کوردستانێ بو ئەمریکا یا بەرهەم دارە بو هەرێما کوردستانێ و عیراقێ ژی

‎بتنێ د ماوێ سێ روژاندا ١٦ دیدارێن گرنگ ل واشینتون سەروك وەزیران بو پاشەروژەکا گەش ل ئەمریکایە .

‎ئەمەریکا: مە پێزانین بۆ چاکسازیێن رێزدار مەسرور بارزانی د کەرتێن جوداجودا دا یێن هەین .

‎ئێڤاریا ڕۆژا دووشەمبێ 19ـێ ئایارا 2025،  رێزدار مەسرور بارزانی، سەرۆکێ حکوومەتا هەرێما کوردستانێ، د چارچوڤێ سەردانێن فەرمیێن خوەدا بۆ ئەمەریکا، د ڕێورەسمەکێ دا ل ژوورا بازرگانیا ئەمەریکا ل واشنتن، سەرپەرشتی و چاڤدێریا ڕێوڕەسما واژوو کرنا دوو ڕێککەفتننامێن گرنگ د بیاڤێ وزەی دا کر.
‎هەردوو کۆمپانیێن نەفتا ئەمەریکا (ئێچ کەی ئێن ئێنێرجی) و (وێستێرن زاگرۆس)، ب جودا دوو ڕێککەفتننامێن مەزن و گرنگ د بیاڤێ پێشڤەبرن و گرنگیدان ب کەرتێ نەفتا هەرێما کوردستانێ ، د گەڵ حکوومەتا هەرێما کوردستانێ واژوو کر، کو بهایێ ڕێککەفتنناما دەگەتە دەهان ملیار دۆلارا و کاریگەرییەکا دیار و ئەرێنی لەسەر پێشڤەبرنا کەرتێ نەفت و وزە و ژێرخانا ئابووريا هەرێما کوردستانێ .

‎پێنج شەمبێ 23ـێ ئایارا 2025، مەسرور بارزانی، سەرۆکێ حکوومەتا هەرێما کوردستانێ ، ل واشنتن، دگەڵ برادلی سمیس، بریکارێ وەزیرێ گەنجینەیا ئەمەریکا کۆمبوو .
‎د کۆمبونێ دا گەنگەشە ل دور چاکسازیێن حکوومەتا هەرێما کوردستانێ د بوارێ دارایی و سیستەمێ بانکی دا کر.
‎دهەمان دەم دا بریکارێ وەزیرێ گەنجینەیا ئەمەریکا، سەرسامییا خوە بو پێشکەفتنا پرۆژەێ ‘هەژماری من’ نیشاندا و هەمی پشتەڤانیا وەزارەتێ بۆ پڕۆژەی و چاکسازیێن حکوومەتا هەرێما کوردستانێ دەربڕی و گوت : مە پێزانینێن زۆر بۆ هەوڵ و چاکسازیێن سەرۆکێ حکوومەتا کوردستانێ د کەرتێن جۆداجودا دا هەنە ، ب تایبەتی د بیاڤێن داراییدا و ئەڤ چاکسازیە دڤێت ببنە نموونە بۆ وڵاتێن دی ژی .

‎_ سەرۆکێ حکوومەتێ : چاکسازیێن د بیاڤێ وزە و بانکێ دا بتنێ د فایدێ مەدا نینە .

‎سەرۆکێ حکوومەتا هەرێما کوردستانێ رێزدار مەسرور بارزانی د پەیامەکێ دا د ئێکسدا نڤیسی بوو : ل چاکسازیێن  کوردستانێ دا بتنێ ئەم سوودمەند نینە ، د بیاڤێ وزە و بانك و ئابوریێ دا بەلکو سەقامگیریێ بو تەمامیا عیراقێ و ناڤچەیێ ژی دێ بجێ ئینن . ویلایەتا ئێکگرتیا ئەمریکا هەڤپشکێ سەرەکیە دڤی ئەرکی دا .

‎مەسرور بارزانی: ل گور دەستووری ژی ، هەرێما کوردستانێ مافێ هەی گرنگیێ ب سێکتەرێ وزەی بدەت .

‎سەرۆک وەزیرانێ هەرێما کوردستانێ دبێژیت: ئەمەریکا وەک هەڤپشکەکێ گرنگ بەرێ خوە ددەتە هەرێما کوردستانێ ، ئەم ژی هەردەم شانازیێ ب ڤێ هەڤپشکیێ دبەین .

‎سەرۆک وەزیرانێ هەرێما کوردستانێ رێزدار مەسرور بارزانی دبێژیت : دڤێ هەفتیێ دا مە رێککەفتننامەیێن گرنگێن وزەی دگەل ئەمریکا واژوو کرن ، هەڤپشکیا خوە دگەڵ ئەمەریکا دێ کویرتر کەین .
‎مە گەنگەشە ل دور پێشڤەبرنا بازرگانیێ دگەل هەڤپشکێن خوەیێن ئەمریکا کر بو دابینکرنا خوشگوزەرانیێ بو خەلکێ هەرێما کوردستانێ و هەمی عیراقێ .

‎((دلۆڤان ئەمجەد بارزانی))