بەهرە محەمەد
بەردەوام لە ناوەندە جیهانیەکان و سەنتەرەکانی لێکۆلینەوە لە بارودۆخی سیاسی و جیۆپۆلۆتیکی باس لە گۆڕانکاری گەورە
دەکرێت لە ڕۆژهەلاتی ناوەڕاست، جا گۆڕانکاریەکان لە ناوخۆی ولاتێک بێت وەک ئەوەی لە سوریا ڕوویدا یان گۆرانکاری جیپۆلۆتیکی و داڕشتنەوەی نەخشەی نوێی ڕۆژهەلاتی ناوەراست ، کە ئیسرائیل بە پالپشتی هێزە هاوپەیمانییەکانی باسی لێوە دەکات ،
دەوڵەتەکانی تری ڕۆژهەلاتی ناوەراستیش باس لەو گۆڕانکاریانە دەکەن و ترسیان لە گۆرانکاریەکان هەیە ، چونکە بەشێک لەو گۆرانکاریانە گۆرینی نەخشەی وڵاتانە ، زیاد بوونی هەژموونی ڕۆژئاواو بە هێزی دەوڵەتی ئیسرائیل بۆتە جێگەی مشتومڕی چەندین باس و لێکۆلینەوە ، لە لایەکی تریش بەدرێژای مێژوو هەموو کات ڕۆژهەلاتی ناوەڕاست لەبەردەم گۆرانکاری بووە چ لە ڕێگەی شۆرش و کودەتای سەربازی و تەدەخولی هێزی ناوچەیی و نێودەولەتی بوونی شۆرش و ڕاپەرین و تەدەخولی بەردەوامی حکومەتە باڵادەستەکان لەسەر چەند حکومەتێک وای کردوە رۆژ هەلاتی ناوەراست بەردەوام لە گۆرانکاری دابێت ،
بەلام گۆرانکاری ئەمجارە جیاوازترە لە گۆرانکاریەکانی ڕابردوو بە هۆی بوونی هێزی باڵادەستی تازە و پەیدابوونی بزوتنەوە تووندڕەوەکان و هاتنە سەر دەستەلات و بوونی ناکۆکیەتافیەکان و دینیەکان و نەتەوەییەکان وایکردوە گۆڕانکاری تازەو بە فۆرمی جیاواز دەربکەوێت ، کە دووئاراستەی دژ بە یەکی هەیە وەک ترس لە گۆرانکاریەکان و بەوردی چاودێریکردنی بارودۆخە سیاسی و کۆمەڵایەتی و ئابوریەکانی ناوچەکە و هاتنی هێزی توندڕەوی ئایدۆلۆژی جیهادی و قووڵبوونەوەی ناکۆکیەکان بەوەی ترس لە گۆڕانکاریەکان هەیە ، جگە لە ترس لە بوونی تێکچوونی چەند دەوڵەتێکی گەورەو بەهێز لە ناوچەکە و دابەشبوونی بەسەر چەند پارچەیەک
لە لایکی تریش هێزە گەورەکان و نێودەوڵەتیەکان بەردەوام بە شێوەیەکی دڵخۆشکەرانە باس لەو گۆرانکاریانە دەکەن چونکە لەبەرژەوەندی ئەوان دایە ، بەجۆرێک سیاسەتی تازەی ئەوان لەگەڵ جۆرێک لە دابەشکاریە بۆ ڕووبەڕووبوونەوەی دەوڵەتی بەهێزی ناوچەیی و بوونی باڵادەستی ئایدۆلۆژیا و هێزی دینی و مەزهەبی کە دژی بەرژەوەوەندیەکانی رۆژئاواو هاوپەیمانەکانیەتی.
هەرێمی کوردستان و خاکی کورد بەردەوام و بەدرێژای مێژوو لە گۆرانکاریکان بەرکەوتەی هەبووە و بەر گۆرانکاریەکانی ناوچەکە کەوتووە ،زۆربەی جاریش بەبێ خواست و ویستی خۆی و گوێگرتن لە خواست و ئامانج و بەرژەوەندیەکانی بەر ئەو گۆرانکاری و دابەشکاریە بۆتەوە ، سایکس بیکۆش باشترین نمونەی گۆڕانکاریەکانە .
بەلام ئەم گۆرانکاریانەی ئەم جارە بۆ کورد جیاواز دەبێت و بە جۆرێک ڕەنگە لە بەرژەوەندی کورد بێت چونکە کورد لە ناوچەکەدا باشترین هاوپەیمانی ئەو دەولەتە بەهێزو خاوەن دەسەڵاتەیە کە بڕیار لەسەر گۆڕانکاریەکان دەدەن ، لەلایەکی تریش کورد سەلماندویەتی کە بەهێزترین هێزی مەدەنی و خاوەن باشترین سیستمی حوکمڕانیە لە ناوچەکەدا.
لە هەمووی گرنگتر لە ئێستادا هەرێمی کوردستان خاوەن پێگەیەکی بەهێزی ناسراوی ناوچەکەیە لەگەڵ بوونی چەندین کاراکتەرو سەرکردەی لێهاتووی ناسراو کە ڕۆلی گەورەی هەیە لە گۆڕانکاریەکان ،
سەرۆکی هەرێم نێچیرڤان بارزانی یەکێک لە کاریگەرترین و سەرکەوتووترین سەرکردەی کوردە کە ڕۆڵێکی کاریگەری هەیە لە پێگە نێودەوڵەتیەکان ، لەگەڵ ئەوەشدا لە ئێستادا نێچیرڤان بارزانی یەکێکە لەو سەرکردانەی لەناوچەکە کە گوێ لە پێشنیار و بۆچونەکانی دەگیرێت لە یەکلایکردنەوەی پرسە گرینگەکان ،
لە بەهێزی پێگەی هەرێمی کوردستان و مانەوەی هەرێم وەک قەوارەیەکی سەربەخۆ لە نێو چەندین گۆرانکاری و ململانێدا نێچیرڤان بارزانی فریاد ڕەسی کورد بووە ، و توانیویەتی پێگەی هەرێم بپارێزێت و زیاتر بە جیهانی دەرەوەی بناسێنێت ، لەزۆربەی کۆنگرەکان و کۆنفرانسە گەورەکانی سەرۆکەکان وەک تاکە سەرۆکی لێهاتوو بانگ بکرێت و بەردەوام دیدارو گفتوو گۆی بەردەوامی هەبێت و لەزۆربەی گۆڕانکاریەکانی ڕۆژهەلاتی ناوەڕاستیش لە ڕابردوودا کە ڕوویانداوە سەرۆکی هەرێم نێچیرڤان بارزانی ڕۆڵێکی دیاری هەبووە چ لە مانەوەی پێگەی هەرێمی کوردستان و چ لە بەهێزی پێگەی کوردیش لە ناوچەکە لەوانە لە پرسی گۆڕانکاری سوریا و پرۆسەی ئاشتی لە تورکیاو شەری ئێران و ئیسرائیل ، نێچیرڤان بارزانی ڕۆڵێکی گەورەو دیاری هەبووە هەم بۆ چارەسەری پرسی کورد و هەمیش بۆ بە هێزی پێگەی هەرێمی کوردستان و چارەسەری کێشە گەورەکان کە رووبەرووی رۆژهەلاتی ناوەراست ببونەوە ،
لە ئێستاو داهاتووش سەرۆکی هەرێم نێچیرڤان بارزانی یەکێکە لە و کاراکتەرە گرینگانەی کە ڕۆلی دەبێت لە و گۆرانکاریانەی کە ڕوودەدەن و یەکێکە لەو سەرکردانەی کە لە ناوەندە ناوچەیی و نێودەوڵەتیەکان قسەکانی بە هەند وەردەگیرێت، وەک سەرکردەیەکی لێهاتوو و پرئەزموون و خاوەن بیرۆکەی چارەسەری کێشەکان لەسەرۆکی هەرێم دەڕوانرێت ، بۆیا بەبۆچوونی زۆربەی ناوەندە سیاسی و نێودەوڵەتیەکان کورد لە داهاتوودا پارێزراو تر دەبێت ، ئەویش بەرهەمی خەبات و ماندووبوون و ئەو ڕۆلە ئیجابیانەیە کە کورد دەیبینێت لە ناوچەکەدا بەتایبەت لە ئێستادا خودی سەرۆکی هەرێم لەپێگەیەکی بەهێزی دیبلۆماسیەتی نێودەوڵەتیە کە هێمایەکی دڵخۆشی و ئارامیە بۆ داهاتووی کوردستان.