حه‌مه‌ی حه‌مه‌سه‌عید، وه‌زیری رۆشنبیری و لاوانی حكومه‌تی هه‌رێمی كوردستان، له دیوانی وه‌زاره‌ت پێشوازیكرد له هونه‌رمه‌ند، نەژاد نه‌جم، سه‌رۆكی فێستیڤاڵی نێوده‌وڵه‌تی شانۆی شه‌قام له كه‌ركووك كرد.
له دیدارێكدا، نەژاد نه‌جم، سوپاسی وه‌زیری رۆشنبیری و لاوانی كرد له به‌رامبه‌ر پشتیوانیی به‌رده‌وامی بۆ سه‌رخستنی فێستیڤاڵی نێوده‌وڵه‌تی شانۆی شه‌قام له كه‌ركووك.
له به‌رامبه‌ردا، وه‌زیری رۆشنبیری و لاوان جه‌ختیكرده‌وه، وه‌زاره‌ت به ئه‌ركی خۆی ده‌زانێت پشتیوانی چالاكییه رۆشنبیری و هونه‌رییه‌كان له سه‌رجه‌م ناوچه‌كانی كوردستان بكات.
دووپاتیشیكرده‌وه، وه‌زاره‌ت به گرنگییه‌كی تایبه‌ته‌وه ده‌ڕوانێته پڕۆژه هونه‌ری و كولتووری و رۆشنبیرییه‌كانی هونه‌رمه‌ند و رۆشنبیرانی كه‌ركووك.