خانمە ئەکتەر و پێشکەشکار وۆپی گۆڵدبێرگ لە میانی بەرنامەی “The View”دا، وەڵامی ئەو دەنگۆیانەی دایەوە کە ناوی ئەویان بە دۆسییەی جێفری ئێپستینەوە گرێدابوو.
گۆڵدبێرگ داوای کرد دەقی ئیمەیڵەکان نیشان بدرێت تا ڕاستییەکان ڕوون ببنەوە. دەرکەوت کە ناوی ئەو تەنیا لە چوارچێوەی هەوڵێکی ڕێکخراوێکی خێرخوازیدا هاتووە بۆ دابینکردنی فڕۆکەیەکی تایبەت بۆ بەشداریکردن لە چالاکییەک لە مۆناکۆ، بەڵام ئێپستین داواکەی ڕەتکردووەتەوە.
وۆپی جەختی کردەوە کە هیچ پەیوەندییەکی کەسیی لەگەڵ ئێپستین نەبووە و هەرگیز سواری فڕۆکەکەشی نەبووە، چونکە ئەو بەردەوام ترسی لە فڕین هەیە.
ئەو داوای لە خەڵک کرد پێش بڵاوکردنەوەی تۆمەت، بەدوای ڕاستییەکاندا بگەڕێن و جەختی کردەوە کە نابێت ناوی کەسانێک کە بەڕێکەوت لە ڕاپۆرتەکاندا هاتوون، لەگەڵ تاوانبارانی ڕاستەقینە تێکەڵ بکرێت.