بەتۆمەتی بازرگانی کردن بە مادەی هۆشبەر سێ کەس دەستگیر کران

بەڕێوەبەرایەتیی ئاسایشی دهۆک دەڵێت، سێ کەسیان بە تۆمەتی بڵاوکردنەوەی مادەی هۆشبەر دەستگیر کردووە.

لە راگەیێندراوێکی ئاسایشدا هاتووە: “گرووپەکە کاری بڵاوکردنەوەی مادەی هۆشبەریان دەکرد، بۆیە دەستبەجێ لەلایەن تیمەکانی ئاسایشی پارێزگای دهۆک ئۆپەراسیۆنێک ئەنجامدرا و سێ کەس دەستگیر کران.”

دەشڵێت، لەکاتی دەستگیرکردنیان، تۆمەتبارەکان مادەی کریستاڵ و هیرۆیینیان پێبووە “کە بە نیاز بوون بڵاوی بکەنەوە.”