پەیڤدارێ رێڤەبەریا پۆلیسی ئیدارا سەربەخۆ یا زاخۆ راگەهاند، کو ئەڤرۆ تومەتبارەکێ ب دەسترێژیا گولەیان ب چەکێ کلاشینکوفێ خوشکا خو کوشتیە و دەملدەست ئەفسەر و کارمەندێن بنگەهێ پۆلیسێن دەرکارێ ل جهێ رویدانێ ئامادەبوون و ئێکسەر تۆمەتبار دەستەسەرکرن.
ڕائد ئەحمەد ڕەمەزان پەیڤدارێ رێڤەبەریا پۆلیسی ئیدارا سەربەخۆ یا زاخۆ، ب ئاژانسا نووچەیا زاگرۆس راگەهاند: ئەڤرۆ رێکەفتی ٢٠٢٤/٥/١٢ ل نێزیک دەمژمێر (١٠)ی سپێدێ ل ناحیا دەرکارێ تومەتبارەکێ بناڤێ (ب.م.ع) ب دەسترێژیا گولەیان ب چەکێ کلاشینکوفێ خوشکا خو بناڤێ (ک.م.ع) کوشتیە و دەملدەست ئەفسەر و کارمەندێن بنگەهێ پۆلیسێن دەرکارێ ل جهێ رویدانێ ئامادەبوون و ئێکسەر تۆمەتبار دەستەسەرکرن و دەست بسەر چەکێ تاوان پێ هاتی ئەنجام دان هاتە گرتن.
هەروەسا ڕائد ئەحمەد ڕەمەزان پەیڤدارێ رێڤەبەریا پۆلیسی ئیدارا سەربەخۆ یا زاخۆ ئەوەچەندەش بۆ ئاژانسا نووچەیا زاگرۆس دیارکر، کو لاشێ تاوانلێکریێ هاتە رەوانەکرن بوو نوژداریا داد ل زاخۆ و یا پێتڤی ژ رۆیێ ڤەکولینێ ڤە ژلایێ بنگەهێ ناڤبری ڤە ل جهێ ریدانێ هاتی یە ئەنجام دان ، و ب بریارا دادوەری پەرێن ڤەکۆلینێ بۆ ڤێ رویدانێ لدیف بەندێ (٤٠٥ ی.س) ژ لایێ بنگەهێ پۆلیسێن نەخۆشخانێ ڤە هاتینە ڤەکرن و ڤەکۆلینێ دەستپێکریە .
رێباز یونس