لەسەر داوای پارتی کرێکارانی کوردستان (پەکەکە) و هاوپەیمانە سیاسییەکانی، ئیدارەی باکور و ڕۆژهەڵاتی سووریا بڕیاریدا هەڵبژاردنی شارەوانییەکان بۆ مانگی تشرینی یەکەم دوابخرێت.
ئیدارەی خۆسەر هۆکاری دواکەوتنەکەی لەگەڵ کەمی کاتی تەرخانکراو بۆ بانگەشەی کاندیدەکان و کاتی قسەکردن لەگەڵ ڕێکخراوە مرۆییەکان بۆ چاودێریکردنی پڕۆسەی هەڵبژاردن ڕوونکردەوە.
بڕیاردرابوو ڕۆژی 11ی حوزەیران هەڵبژاردنی شارەوانییەکان ئەنجام بدرێت، بەڵام دوو ڕۆژ لەمەوبەر 4 لایەنی بەشداربوو لە هەڵبژاردندا داوای دواخستنی هەڵبژاردنیان کرد.
هەروەها تورکیا هەڕەشەی کرد ڕێگە بە هەڵبژاردنەکان نادات و ئەمریکاش ڕایگەیاند کە کاتی بەڕێوەچوونی ئەم هەڵبژاردنه گونجاو نییە.