سەرۆك مەسعود بارزانی، پێشوازیی لە سەركۆماری ئێران كرد و جەختیان لەسەر هەماهەنگی و پەرەپێدانی پەیوەندییەكان لە بوارە سیاسی و ئابووری و كولتوورییەكان كردەوە.
ئەمڕۆ پێنجشەممە 12/9/2024، لە هەولێر، لە چوارچێوەی سەردانەكەی سەركۆماری ئێران بۆ عێراق و هەرێمی كوردستان، سەرۆك بارزانی پێشوازیی لە مەسعود پزیشكیان، سەركۆماری ئێران كرد.
لەو دیدارەدا بیروڕا لەبارەی بارودۆخی گشتیی عێراق و ناوچەكە ئاڵوگۆڕ كرا، هەروەها جەخت لەسەر هەماهەنگی و پەرەپێدانی پەیوەندییەكان لە بوارە سیاسی و ئابووری و كولتوورییەكانی نێوان هەرێمی كوردستان و كۆماری ئیسلامیی ئێران كرایەوە.
هەر لەو كۆبوونەوەیەدا، سەركۆماری ئێران بە فەرمی بانگهێشتی سەرۆك بارزانیی كرد بۆ سەردانكردنی بۆ كۆماری ئیسلامیی ئێران.