بە بۆنەی هاتنەوەی یادی لە دایکبوونی حەزرەتی محەمەد(دروودی خوای لێبێت) پیرۆزباییەکی گەرم لە سەرجەم موسڵمانانی کوردستان و عێراق و جیهان دەکەین و، ئومێدەوارین ئەو یادە پیرۆزە مایەی زیاتر پتەوکردنی بنەماکانی تەبایی و پێکەوەژیان بێ لە هەرێمی کوردستان و ناوچەکەدا.
هەرێمی کوردستان هەمیشە و بەبێ جیاوازی لانکە و زێدی فرهیی پێکهاتەکان و نیشتیمانی لێبووردەیی و برایەتی بووە، ئەمەش مایەی شانازی هەموومانە لەسایەی سەقامگیریی و ئاسوودەیی ئەو قەوارە سیاسییەدا.
بەو بۆنەیەوە دووبارە جەخت لەسەر بەهێزکردنی ئەو فەرهەنگ و کولتوورە دێرینەی فرەڕەنگی دەکەینەوە و هیوادارین بۆ لەمەودواش هەموو هەوڵەکان بۆ ئەوەبێت وڵاتەکەمان ئاوەدانتر و سەقامگیرتر بێت و خۆشگوزەرانی و دەستکەوتی زیاتر بۆ هاووڵاتییان بێتە دی.
مەکتەبی سیاسیی پارتی دیموکراتی کوردستان
٤ ی ئەیلوولی ۲۰۲٥
۱۲ی ڕەبیعولئەوەلی ۱٤٤۷ی کۆچی