ڕۆژی پێنجشەممە، 4ی کانونی یەکەمی 2025، بەڕێز “فارس عیسا” سەرۆکی نوێنەرایەتی حکومەتی هەرێمی کوردستان لە بەغدا، پێشوازییان لە” د.سالار عوسمان” ئەندامی کۆمیتەی ناوەندی و لێپرسراوی بەشی ڕۆشنبیری و ڕاگەیاندنی پارتی دیموکراتی کوردستان کرد، لەگەڵ شاندێکی یاوەری.
لە میانی کۆبوونەوەکەدا، پێداچوونەوەیان بە دۆخی گشتی سیاسی هەرێمی کوردستان، و عێراق و ناوچەکە کرد، هەروەها تاوتوێی دوایین پێشهاتەکانی گفتوگۆ بەردەوامەکانی نێوان ئەو هێزە سیاسیانە کرد، کە لە هەڵبژاردنەکاندا سەرکەوتنیان بەدەستهێنا، بۆ پێکهێنانی حکومەتی نوێی فیدراڵی.
لای خۆیەوە، لێپرسراوی بەشی ڕۆشنبیری و ڕاگەیاندن ئامادەیی بەشی بۆ هاوکاریی میدیایی لەگەڵ نوێنەرایەتی لە ڕووماڵکردنی چالاکییەکانی دووپاتکردەوە.
لە کۆتایی کۆبوونەوەکەدا، بەرپرسی نوێنەرایەتی حکومەتی هەرێمی کوردستان، سوپاس و پێزانینی خۆی بۆ بەشی ڕۆشنبیری و ڕاگەیاندن دەربڕی، لە ڕۆڵی کارایان لە ڕووماڵکردنی چالاکییەکانی حکومەتی هەرێمی کوردستان.
