بانکی ناوەندیی عێراق خستنەڕووی دۆلاری نەختینەی گەیاندە بەرزترین ئاست، کە سەرووی 84 ملیۆن دۆلارە.
ئەمڕۆ سێشەممە 21ی ئایاری 2024، بانکی ناوەندیی عێراق، بڕی 271 ملیۆن و 331 هەزار دۆلاری خستە بازاڕەوە، لەو بڕە 84 ملیۆن و 250 هەزار دۆلاری بە شێوەی نەختینەیە، 187 ملیۆن و 378 هەزار دۆلاریش بە شێوەی ئاڵوگۆڕی بازرگانیی بووە.
پێشتر بەرزترین ڕێژەی خستنەڕووی دۆلاری نەختیننە سەرووی 30 ملیۆن بوو، بەڵام ئەمڕۆ ڕێژەکە چەند بەرامبەر زیاترە.
ئێستا 100 دۆلار هاوتای 145 هەزار و 500 دینارە و بە گشتی چەند ڕۆژێكه ڕووی لە دابەزینە.
ئەو دۆلارەی بانكی ناوەندی لەرێگەی خستنە ڕوو دەیفرۆشێت، بۆ حەواڵە هەر 100 دۆلارێك بە 131 هەزار دینارە و بۆ نەختینەش بەهەمان شێوە هەر 100 دۆلارێك بە 131 هەزار دینارە.