سەرۆکی رێکخراوی تەندروستیی جیهانی هۆشداریدەدات، سەرهەڵدانی پەتای نوێ لە جیهاندا لەسەر کات وەستاوە.
لە کۆبوونەوەی لەگەڵ نوێنەرانی پزیشکانی جیهانی، تیدرۆس ئەدهانۆم سەرۆکی رێکخراوی تەندروستی جیهانی رایگەیاند، هەماهەنگی نێوان وڵاتان بۆ مامەڵەکردن لەگەڵ پەتاکان گرنگە، چونکە بڵاوبوونەوەی پەتایەکی دیکە لە جیهاندا لەسەر کات وەستاوە و هەر روودەدات.
سەرۆکی رێکخراوی تەندروستی جیهانی ئاماژەی بەوەشداوە، دەیانەوێت ئەزموون لە ڤایرۆسی کۆرۆنا وەربگرن و بیکەنە بناغە بۆ هەماهەنگی زیاتر بۆ رووبەڕووبوونەوەی پەتاکان لە چەند ساڵی داهاتوودا.