بڵند رەزا، سەرۆکی شارەوانی ئاکرێ رایگەیاند، ”هەشت پرۆژەی جیاواز لە ئاکرێ جێ بەجێ دەکرێن، کە شەش لە پڕۆژەکان لەسەر بودجەی پارێزگای دهۆک جێبەجێ دەکرێن و دووانەکەی دیکە لەسەر بودجەی وەزارەتی شارەوانی.
سەرۆکی شارەوانی ئاکرێ ئاشکراشی کرد، جگە لە قیڕتاو و کردن و کۆنکریت کردنی گەڕەکەکان، لەنێو پڕۆژەکاندا راکێشانی ئاوەڕۆ و درووستکردنی دیواریش بۆ ناوچە شاخاوییەکان هەیە.
روونیشیکردەوە، تا ئێستا %20-25ی پڕۆژەکە تەواو بووە، دەشڵێت ئەگەر کێشەی کورت هێنانی پارەیان بۆ دروست نەبێت، لە ماوەی دوو ساڵدا پڕۆژەکە کارەکانی تەواو دەبێت.
قەزای ئاکرێ لە 47 گەڕەک پێکهاتووە و بە تەواوبوونی ئەو پڕۆژەیە، 25 گەڕەکییان کۆنکریت و قیر دەکرێن و کێشەی ئاوەریان نامێنێت.