بەهۆی سکاڵایەکی ئێمباپێ لەوانەیە پاریس سانجێرمان لە چامپیۆنزلیگ دووربخرێتەوە، هێرشبەرە فەڕەنسییەکە داوای 55 ملیۆن یۆرۆ مووچەی دەکات.
رۆژنامەی لۆ مۆندی فەڕەنسی ئاشکرایکردووە، کیلیان ئێمباپێ هێرشبەری فەڕەنسی یانەی ریال مەدرید داوای 55 ملیۆن یۆرۆ مووچەی خۆی لە یانەی پاریس سانجێرمانی فەڕەنسی دەکات، ئەگەر پاریس ئەو پارەیە نەدات لەوانەیە مافی بەشدرایکردنی لە یارییەکانی وەرزی نوێی چامپیۆنزلیگ پێنەدرێت.
رۆژنامە فەڕەنسییەکە ئاشکرایکردووە، ئێمباپێ داوای مووچە و شایستە داراییەکانی لە پاریس سانجێرمان دەکات، کە لە مانگەکانی کۆتایی بەهۆی نوێنەکردنەوەی گرێبەستەکەی پێینەدراوە، ئەگەر کیلیان لە کۆمەڵەی یاریزانە پیشەگەرەکانی خولی فڕەنسی سکاڵا لەسەر یانەکەی پێشووی تۆمار بکات، پاریس سانجێرمان لە گواستنەوەی یاریزانان و تۆمارکردنی ناوی یاریزانە نوێیەکانی بێبەش دەکرێت.
پێشتر چەند جارێک ئێمباپێ و دایکی داوایان لە ناسر خلێفی و یانە فەڕەنسییەکە کردووە، شایستە دارییەکانی بدەن، بەڵام سەرۆکی یانە فەڕەنسییەکە سوورە لەسەر ئەوەی کیلیان زیانی بە یانەکەیان گەیاندووە و بەبێ هیچ بەرامبەرێک یانەکەیانی بە گرێبەستێکی ئازاد بەجێهێشتووە.
ئەگەر ئێمباپێ سکاڵا لەسەر پاریس سانجێرمان تۆمار بکات و لە فەڕەنسا یانەکە لە تۆمارکردنی ناوی یاریزانە نوێیەکانی سڕ بکرێت، ئەوا فیدراسیۆنی تۆپی پێی ئەوروپا مۆڵەتی بەشداریکردن بە پاریس نادات و ناتوانێت بەشداریی وەرزی داهاتووی چامپیۆنزلیگ بکات.
یاریگا