لە یارییەکی هەفتەی چوارەمی خولی فەرەنسا هەردوو یانەی پاریس سانجێرمان و برێست لە باخچەی شازادەکان ڕووبەڕووی یەکتر بوونەوە.
لە ئەنجامدا پاریس توانی یارییەکە بە ڕیمۆنتادا و بە سێ گۆڵ بەرامبەر بە گۆڵێک شکست بە میوانەکەی بهێنێت.
لە تایمی یەکەمدا دوای چەندین هەوڵی هەردوو لا، لە هێرشێکدا ناوبژیوان لێدانێکی سزای بۆ برێست هەژمارکرد و رۆمان دیل کاستیۆ لە خولەکی 29دا بە سەرکەوتوویی جێبەجێکرد و گۆڵی پێشکەوتنی یانەی میوانی تۆمارکرد، بەڵام دیمبلی لە خولەکی 42دا ئەنجامەکەی لە بەرژەوەندی پاریس یەکسانکردەوە.
تایمی دووەم، یانەی پاریس باشتر و بەهێزتر گەڕایەوە و توانی لە خولەکەکانی 73 و 74 دوو گۆڵی یەک لەدوای یەکیان لە ڕێگەی یاریزانان فابیان رویز و دێمبلیەوە تۆماربکەن.
بەم سەرکەوتنە یانەی پاریس بووە خاوەنی 12 خاڵ، برێستیش تەنیا چوار خاڵی هەیە.