لە درێژەی یارییەکانی ئەمشەوی خولی ئیسپانیا، یانەی ئوساسونا میوانداری بەرشەلۆنەی کرد.
لە ئەنجامدا ئوساسونا توانی بە چوار گۆڵ بەرامبەر بە دوو گۆڵ شکست بە بارسا بهێنێت.
لەتایمی یەکەم ئوساسونا دەستپێشخەری کرد و توانی دوو گۆڵ لە خولەکەکانی 18 و 28 لە ڕێگەی یاریزان بودیمیر و برایان زاراگوزاوە تۆمارکرد.
لە دووەم تایمدا، بەرشەلۆنە لە هێرشێکدا و لە خولەکی 53 ئەنجامەکەی بۆ گۆڵێک لەڕێگەی ڤیکتۆر کەمکردەوە، بەڵام ئوساسونا بو دوو گۆڵی تری بودیمیر بە لێدانی سزا و بریتونێس لە خولەکەکانی 72 و 85 وەڵامی بارسای دایەوە،
لامین یامالیش لەدوا خولەکی یارییەکە گۆڵێکی تری بو بەرشەلۆنە تۆمارکرد.
بەم سەرکەوتنە، ئوساسونا بووە خاوەن 14 خاڵ و لە پلەی شەشەمدایە، بارساش بە کۆکردنەوەی 21 خاڵ هەر لە پلەی یەکەمە.