بەربژێرەکێ ليستا 190 يا پارتی ل بازنا دھۆکێ راگەھاند : ئەز وەکو پارێزەرەک دێ کارکەم ژ بوي راستڤەکرنا ياسايێن جێبەجێکرنێ و رەوشا ساخلەمی دناڤ ھوڵا پەرلەمانی دا.
پارێزەر بۆتان سگڤان فلک بەربژێرێ ژمارە 7 لسەر ليستا 190 يا پارتی ديموکراتی کوردستان ل بازنا دھۆکێ بو ئاژانسا ھەواڵی زاگروس راگەھاند: بەرنامێ کارێ من بۆ پەرلەمانێ کوردستانێ راستڤەکرنا ياسايێن جێبەجێکرنێ ئەوێن پێدڤی راستڤەکرنێ د ھەمان دەم دا دێ کارکەم ژبوی باشترکرنا ژين و ژيارا پێشمەرگەی و باشترکرنا رەوشا جوتياران ھەرچەندە دڤێ کابينا حکومەتێ دا رەوشا جوتياران باشتر بويە بەلێ دێ ھەول دەين دەروازێن سنوری کونترول بکەين بو ھندێ بەرھەمێ نافخويی ب بھايێن باش و گونجای دناف بازارێن ھەرێما کوردستانێ دا بازارکرن پێ بھێتە کرن.
فلک زێدەتر گوت: دێ کارکەم بۆ باشترکرنا رەوشا ساخلەمی و کونترولکرنا دەرمانان (کوالتی کونترولا )ی یاجوری وان دەرمانێن ب رێکێن نە ياسايی دھێنە دناف ھەرێما کوردستانێ دا دبنە ئەگەر مەترسیێ بۆ سەر ژیانا هاوڵاتیا، حکوومەتا هەرێما کوردستانێ دڤان چار سالێن بوری، کارێن باش بۆ ڤێ چەندێ ئەنجام داينە.
پارێزەر بۆتان فلک بەربژێرێ ژمارە 7 لسەر ليستا 190 يا پارتی ل بازنا دھۆکێ دیارکر: داخازيا مە ژ جەماوەر و خەلکێ مەيێ خوشتڤی ل روژا 20ی ئۆکتۆبەرێ قەستا سەر سندوقێن دەنگدانێ بکەن و دەنگی بدەنە لیستا 190یا پارتی دیموکرتی کوردستان بۆ ھندێ پارتی خزمەتێن زێدەتر پێشکێشی خەلکێ مە ل ڤێ دەڤەرێ بکەت.
