بەربژێرەکێ ليستا 190 يا پارتی ل بازنا دھۆکێ راگەھاند: دێ کارکەم ژ بۆ زێدەتر گرنگی دان ب تەخا رەوشەنبير و زانا ھەروەسا گرنگی دان ب پەروەردێ و خاندنا بلند بۆ ھندێ زانست و زانين ل ھەرێما کوردستانێ زێدەتر و باشتر بەرەف پێش بچيت.
شمال یونس نێروەيی ماموستايێ زانکويێ و کورە شەھيد بەربژێرێ ژمارە 33 لسەر ليستا 190 يا پارتی دیموکراتی بازنا دھۆک بۆ ئاژانسا ھەواڵی زاگرۆس راگەھاند: ل چارچوڤێ بەرنامە و پلانێت پارتا خو پارتی ديموکراتی کوردستان گرنگی دان ب گەنج و لاوان ب تايبەت ئەو گەنجێن خودان بەھرێن تايبەت، وەکو چاوا سەروکێ حکومەتێ مەسرور بارزانی دڤێ کابينێ دا گرنگيەکا تمام ب گەنجان دايە و زێدەتر بەشداری کرنا گەنجان د بياڤێن جودا جودا و ئەم ژی دێ لسەر ڤێ رێبازێ د بەردەوام بين.
نێروەيی دیار کر: ھندەک ھەوڵێن ترسنوک ھەنە ژ بوی لاوازکرنا قەوارێ ھەرێما کوردستانێ و تايبەت بازنا دھۆکێ بەلێ مەحاڵە ب ھەبونا پارتی و سەرۆک بارزانی ئەڤ ھەوڵێن ترسنوک سەرناگرن چ بۆ لێدان ژ قەوارێ ھەرێما کوردستانێ يان لاواز کرن و تێکدانا بازنێ دھۆکێ.
بەبژێرێ ژمارە 33 لسەر لیستا 190 یا پارتی ل بازنا دهۆکێ هیڤیا من ئەوە ببمە جهێ باوەریا خەلکێ خو یێ خۆشتڤی ل بازنا دهۆکێ بۆ هندێ کا چەوا پارتی خزمەت و خەبات کريە بۆ بەرقەرار کرنا ئارامی ﻭ ئێمناھی و پێکڤە ژيان و ئاڤەدانیێ، ھەروەسا خزمەتکرنا خەلکێ ھەژارا و کێم دەرامەت ئەز ژی وەکو کورە شەهیدەک و کورێ ڤێ پارتێ دێ لسەر ڤێ رێبازێ بەردەوام بم.
