بەربژێرا ژمارە 38لسەر لیستا 190یا پارتی راگەهاند: پارتی هەردەم خو ل گەلێ کورد کریە خودان ل خۆشی و نەخۆشیا، ل ئاڤەدانی وخزمەت کرنێ ژی دێ بەردەوام بیت.
ڤەژین عبدالرحمان مزیری بەربژێرا ژمارە 38لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: پارتی هەردەم خو ل گەلێ کورد کریە خودان ل خۆشی و نەخۆشیا، ئەز ژی وەکی پەروەردەیا پارتی و سەرۆک بارزانی مە دفێت بچینە ناڤ هولا پەرلەمانێ کوردستانێ و ل رێکا پەرڵەمانی خزمەتا خەڵکێ خۆ بکەین و ببینە نوێنەرێن خەلکێ خۆڕاگرێ کوردستانێ و داکوکیێ ل مافێن وان بکەین.
مزیری زێدەتر گۆت: بەرنامێ من پارستانا قەوارێ هەرێما کوردستانێ یە ئەم وەک بەربژێرێن پارتی دێ لسەر ڤێ رێبازێ بەردەوام بین چۆنکە دڤی دەمی دا کوردستان پێتڤی پارتی و بارزانی یە زێدەتری هەر دەمەکێ دی.
ڤەژین مزیری بەربژێرا ژمارە 38لسەر لیستا 190یا پارتی ل بازنا دهۆکێ گۆت: داخازيا مە ژ جەماوەر و خەلکێ مەيێ خوشتڤی ل روژا 20ی ئۆکتۆبەرێ قەستا سەر سندوقێن دەنگدانێ بکەن و دەنگی بدەنە لیستا 190یا پارتی دیموکرتی کوردستان بۆ ھندێ پارتی خزمەتێن زێدەتر پێشکێشی خەلکێ مە ل پارێزگەها دهۆکێ و دەڤەرێ بگشتی بکەت.