بەربژارێ پارتی یێ هەژمارە 29 راگەهاند:هه‌رده‌م پارتی دیموکراتی کوردستان، بۆ پتر ئاڤه‌دانی و ب هێزكرنا گیانێ لێبورینێ د ناڤبه‌را هه‌می پێكهاته‌یێن كوردستانێ دا كار كریه.
سلێمان علی عوسمان ، به‌ربژارێ هه‌ژمارە 29 ل سه‌ر لیستا 190 یا پارتی دیموكراتی كوردستان لبازنێ دهۆک بۆ ئاژانسی هەواڵی زاگرۆس دیارکر، دێ ب هه‌می شیانێن خۆ پشته‌ڤانیا خه‌لكێ پارێزگەها دهۆکێ بگشتی كه‌ین و به‌ره‌ڤانیێ ژ ئاخ و ده‌ستكه‌فتین هه‌رێمێ كه‌ین، پارتی به‌رنامه‌یه‌كێ گه‌له‌ك باش بۆ زێده‌تر خزمه‌تكرنا خه‌لكێ كوردستانێ د وارێ ئاڤه‌دانی و پێكڤه‌ژیانێ و ئارامیێ دا هه‌یه.
ناڤهاتی گۆتژی ، هه‌رده‌م پارتی دیموکراتی کوردستان، بۆ پتر ئاڤه‌دانی و ب هێزكرنا گیانێ لێبورینێ د ناڤبه‌را هه‌می پێكهاته‌یێن كوردستانێ دا كار كریه، و كار ل سه‌ر بجهئینانا به‌رنامه‌یێ پارتی دیموكراتی كوردستانژی لوی دەمی دێ هێته كرن ده‌مێ باوه‌ریا پرانیا خه‌لكێ خۆ ب ده‌ستڤه دئینین بۆ په‌رله‌مانێ كوردستانێ.
به‌ربژارێ سلێمان عەلی دیارژی کر، راگرتنا ئارامیێ و سه‌قامگیریێ و دیموكراسیێ و ئازادیێ ئه‌ركێ جه‌ماوه‌رێ پارتی یه ، داخوازێ ژ جه‌ماوه‌رێ دلسۆز دكه‌ین به‌ری هه‌ر تشته‌كی ژبیر نه‌كه‌ن كو پارتی خودانێ وێ ئه‌زموونا راست و دروستا هه‌رێما كوردستانێیه ژ به‌رهندێ و پێدڤیه وه‌كو هه‌ر جار ئه‌م روویێ شارستانیێ هه‌رێما كوردستانێ نیشا هه‌می جهیانێ بده‌ین، کۆ بەرهەمێ پارتی دیموکراتی کوردستانە.
ئاشكرا ژی دکەت ، ئەگەر ببمە جهێ باوەریا خەلکێ خۆ ،دێ دچارچۆڤه‌یێ به‌رنامێ پارتی دیموكراتی كوردستاندا، ب ڕژدی كار ل سه‌ر ب هێزكرنا كه‌رتێ چاندن و گه‌شتیاری و په‌روه‌ردێ و ساخله‌میێ و پشته‌ڤانیكرنا گه‌نجان كەم، و هه‌می بزاڤان بۆ پتر خزمه‌تكرنا خه‌لكێ كوردستانێكه‌ین.
سلێمان عەلی عوسمان بەربژێرێ هەژمارە 29 لدیماهیێ گۆت،داخوازێ ژ خه‌لكێ كوردستانێ دكه‌ین داستانه‌كا دی یا دیموكراسیێ و ئازادیێ تۆمار بكه‌ن و هه‌می ل سه‌ر سندۆقێن ده‌نگدانێ به‌رهه‌ڤ ببن و ده‌نگێ خۆ بده‌نه لیستا 190.