دوای ئەوەی میدیاكانی ئیسائیل بڵاویان كردەوە، كە پشكنینی DNA بۆ تەرمێك دەكەن كە پێدەچێت، تەرمی یەحیا ئەلسنیوار، ڕێبەری بزووتنەوەی حەماس بێت، پاش چەند خولەكێك، ئیسرائیل پشتڕاستی كردەوە و بەفەرمی كوژرانی یەحیا ئەلسینواری ڕاگەیاند.
چەند خولەكێك لەمەوبەری ئێوارەی ئەمڕۆ پێنجشەممە 17ی 10ی 2024، سەرچاوە سەربازییەكانی ئیسرائیل ڕایانگەیاند، كە لە ئۆپەراسیۆنێكی سەربازییدا لە غەززە، هێزەكانی سوپای ئیسرائیل سێ كەسیان كوشتووە و بە ئەگەرێكی زۆرەوە، ڕەنگە یەكێك لەو كوژراوانە (یەحیا ئەلسینوار)ی رێبەری بزووتنەوەی حەماس بێت، بۆیە حاڵی حازر هەواڵگری و شاباك لە لێكۆڵینەوەی ورددان لەسەر (دی ئێن ئەی)ی لاشەی كوژراوەكان و ڕاشگەیەندراوە، كە ئیسرائیل (دی ئێن ئەی)ی یەحیا ئەلسینواری لایە و دەتوانێ دڵنیا ببێتەوە، چونكە پێشتر زیندانی بووە لایان.
پاش بڵاوبوونەوەی ئەو هەواڵە، هەر ئەمرۆ، چەند خولەكێك لەمەوبەر، دەستەی پەخشی میدیایی ئیسرائیل، بە فەرمی كوژرانی یەحیا ئەلسینوار، ڕێبەری بزووتنەوەی حەماسی ڕاگەیاند و گوتی: “ناوبراو لە ئۆپەراسیۆنێكی سوپای ئیسرائیلدا لە ناوچەی تەل سوڵتان لە ڕەفح كوژراوە.”