ئێران ڕایگەیاند، لێدوانەکانی جۆو بایدن، سەرۆکی ئەمەریکای سەبارەت بە زانینی کاتی هێرشەکەی ئیسرائیل بۆ سەر وڵاتەکەی بە ئیستفزازی ناوبرد.
ئەمیر سەعید ئێرڤانی، نوێنەری ئێران لە نەتەوە یەکگرتووەکان ڕایگەیاند، لێدوانەکانی سەرۆکی ئەمەریکا سەبارەت بە زانینی کاتی هێرشی ئیسرائیل بۆ سەر ئێران، ئیستفزازی و نائارامکەرە.
ئاماژەی بەوەش کرد، لێدوانەکانی بایدن بە ڕەزامەندی ناڕاستەوخۆ و پشتیوانی واشنتۆن بۆ هێرشی ئیسرائیل بۆ سەر ئێران دادەنرێت.
لە 1ی تشرینی یەکەمی 2024، ئێران نزیکەی 200 مووشەکی ئاراستەی ئیسرائیل کرد، ئەمەش لە کاردانەوەی کوشتنی حەسەن نەسروڵڵا و عەباس نیلفرۆشان بوو.