رێژەی هەڵاوسان لە عێراق بۆ 3.1% دابەزیوە و وەزارەتی پلاندانانی عێراق، ئەو رێژەیەی ئاشکرا کرد و دەڵێت هی مانگی ئەیلولە.
وەزارەتی پلاندانان ئاماژە بەوە دەکات تێکڕای رێژەی هەڵاوسانی ساڵانە لە مانگی ئەیلولدا بریتییە لە 3.1% و ئەمەش بەراورد بە مانگەکانی ڕابردودا ئاستێکی نزمترە.
ئەم وەزارتخانهەیە لە ڕاگەیەنراوێکدا جەخت دەکاتەوە دابەزینی ئاستی رێژەی هەڵاوسان لە عێراق پەیوەستە بە دابەزینی نرخی زۆرێک لە پێداویستییەکان.
ئەمە لەکاتێکدایە کە هەفتەی ڕابردوو بانکی ناوەندیی عێراق بڕیاری دابەزیاندنی رێژەی سووی بانکیی دا و ئاماژەی بەوەکرد کە ئەو هەنگاوەی لەپێناو خێراکردنی گەشەی ئابوورییە.
شارەزایانی ئابووری باس لەوە دەکەن هەنگاوی دابەزاندنی رێژەی سوو کاریگەری لەسەر بەرزکردنەوەی رێژەی هەڵاوسان دەبێت لە مانگەکانی داهاتوودا.
هەواڵی پێشوو