توركیا سه‌رۆكی شاره‌وانییه‌كانی مێردین و ئێلیه و خه‌لفه‌تی له باكووری كوردستان دوور خسته‌وه و له شوێنه‌كانیان قه‌یووم دانرا.
له‌سه‌ر بڕیاری وه‌زاره‌تی ناوخۆی توركیا، هه‌ریه‌ك له ئه‌حمه‌د تورك، سه‌رۆكی شاره‌وانیی مێردین و گوڵستان سوناك سه‌رۆكی شاره‌وانیی ئێلیه و محه‌مه‌د قه‌ره‌یڵان سه‌رۆكی شاره‌وانیی خه‌لفه‌تی دوور خسته‌وه و له شوێنه‌كانیان قه‌یووم دانران.
وه‌زاره‌تی ناوخۆی توركیا بڵاوی كرده‌وه، كه ئه‌حمه‌د تورك، سه‌رۆكی شاره‌وانیی مێردین به‌هۆی تاوانی ئه‌ندامبوون له ڕێكخراوێكی تیرۆریستی، له پۆسته‌كه‌ی دوور خرایه‌وه و له شوێنه‌كه‌ی ئۆنجای ئاككۆیون، پارێزگاری مێردین دانرا.
هه‌روه‌ها هه‌ر به فه‌رمانی وه‌زاره‌تی ناوخۆ گوڵستان سوناك سه‌رۆكی شاره‌وانیی ئێلیه به‌هه‌مان تاوانی ئه‌حمه‌د تورك سزا دراوه و له شوێنه‌كه‌ی پارێزگاری ئێلیه به قه‌یووم دانرا.
هاوكات له شوێنی محه‌مه‌د قه‌ره‌یڵان، سه‌رۆكی شاره‌وانی خه‌لفه‌ت، له پارێزگای رووها، هاكان باشئۆغڵو، قایمقامی خه‌لفه‌ت به قه‌یووم دانرا.