لە یاری لوتکە و ئاگرینی هەفتەی 13ی خولی ئینگلتەرا، یانەی لیڤەرپوولی پێشەنگ و مانچستەر سیتی ڕووبەڕووی یەکتر بوونەوە.
لە ئەنجامدا ڕێدز توانی یارییەکە بە دوو گۆڵی بێبەرامبەر شکست بە مانسیتی بهێنێت.
لە تایمی یەکەمدا و لە خولەکی 12دا لیڤەرپوول گورزی خۆی وەشاند و گۆڵێکی لەڕێگەی گاپکۆە تۆمارکرد، دوای ئەوە هەردوو یانە بەردەوامبوون لە هەوڵەکانیان بۆ سەر گۆڵی یەکتر بەڵام ئەو تایمە بەو شێوەیە مایەوە.
لە تایمی دووەم هەردوو یانە چەندین گۆڕانکاریان بە یاریزانەکانی کردن بۆ گۆڕینی ئەنجامەکە بەتایبەت مانسیتی دەیویست بەڵایەنی کەم ئەنجامەکەی یەکسانبکاتەوە، بەڵام لە هێرشێکی خاوەن یاریگادا ناوبژیوان لێدانێکی سزای بۆ هەژمارکرد و محەممەد سەڵاح بە سەرکەوتوویی لە خولەکی 78دا ڕێدزی کردە خاوەن گۆڵی دووەم،
دوای ئەوە مانچستەر سیتی چەندین هەوڵیاندا بۆ کەمکردنەوەی ئەنجامەکە، بەڵام یارییەکە بەو دوو گۆڵە کۆتاییهات.
بەم سەرکەوتنە، لیڤەرپوول پێگەی خۆی لە پێشەنگی ڕیزبەندی بەهێزترکرد بە کۆکردنەوەی 34 خاڵ، مانچستەر سیتیش چووە پلەی چوارەمی ڕیزبەندی بە 25 خاڵ.