بەڕێوەبەرایەتی کەشناسی و بومەلەرزەزانی هەرێمی کوردستان پێشبینییەکانی بۆ 48 کاتژمێری داهاتوو بڵاوکردەوە و دەڵێت، ئەمڕۆ و سبەی ئاسمانی هەرێمی کوردستان هەور دەبێت و ئەگەری تاوەباران هەیە.
رۆژی شەممە 3ـی ئایار، بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند؛ “ئەمڕۆ ئاسمان لەزۆربەی کاتەکاندا هەوری تەواو دەبێت، لەگەڵ بارینی تاوە باران لە کات و شوێنی جیا جیا و هەندێک جاریش هەورە بروسکەی لەگەڵدا دەبێت”.
هەر بەپێی پێشبینییەکانی ئەو بەڕێوەبەرایەتییە، ئەمڕۆ پلەکانی گەرما لە نێوان دوو بۆ چوار پلەی سیلیزی نزم دەبێتەوە و تاوەکو سبەی هەر وا بە جێگیری دەمێنێتەوە.
لەبارەی پێشبینییەکانی کەشوهەوا بۆ سبەی، یەکشەممە بەڕێوەبەرایەتی کەشناسی و بومەلەرزەزانی دەڵێت؛ “ئاسمان هەوری تەواو دەبێت، لەگەڵ بارینی تاوە باران لە کات و شوێنی جیا جیا و هەندێک جار هەورە بروسکەشی لەگەڵ دەبێت”.
ئەمڕۆ پلەکانی گەرما لە شارەکانی کوردستان بەم شێوەیە دەبێت:
هەولێر : 33 پلەی سیلیزی
سلێمانی : 30 پلەی سیلیزی
دهۆک : 30 پلەی سیلیزی
کەرکوک : 35 پلەی سیلیزی
زاخۆ : 31 پلەی سیلیزی
هەڵەبجە : 32 پلەی سیلیزی
سۆران : 28 پلەی سیلیزی
حاجی ئۆمەران : 20 پلەی سیلیزی
گەرمیان :36 پلەی سیلیزی