تورکیا ١١٥ گومانلێکراوی داعشی دەستگیر کرد
دەسەڵاتدارانی تورکیا ١١٥ گومانلێکراوی سەر بە گرووپی تیرۆریستی دەوڵەتی ئیسلامییان (داعش) دەستگیر کرد. گومان دەکرێت ئەم کەسانە پلانی هێرشیان بۆ کاتی پشوو و جەژنەکانی سەری ساڵ دانابێت. نووسینگەی داواکاری گشتیی ئیستانبوڵ ڕایگەیاند پۆلیس زانیاری بەدەست هێنابوو کە ئەندامانی ڕێکخراوەکە بەتایبەتی بۆ سەر غەیرە موسڵمانان لە تورکیا، لە میانی ئاهەنگەکانی جەژنی کریسمس و سەری ساڵدا، پلانی هێرشیان داناوە.
لە چوارچێوەی هەڵمەتێکی فراواندا لە سەرتاسەری شاری ئیستانبوڵ، پۆلیس ١٢٤ شوێنی پشکنی. لە کۆی ١٣٧ گومانلێکراو دەستگیرکردنیان فەرمان درابوو، ١١٥ کەسیان گیراون. لە کاتی پشکنینەکاندا، ژمارەیەک دەمانچە و تەقەمەنی دەستیان بەسەردا گیراوە.
تورکیا سنوورێکی درێژایی ٩٠٠ کیلۆمەتری لەگەڵ سووریا هەیە و گرووپە جیهادییەکان لەوێدا هێشتا چالاکن. داعش پێشتر لە نێوەڕاستی مانگی کانوونی یەکەمی ڕابردوودا لە سووریا بە هێرشێک تۆمەتبار کرا کە بووە هۆی کوژرانی دوو سەربازی ئەمریکایی و یەک هاووڵاتیی سڤیل.