شاندە تەکنیکییەکەی وەزارەتی دارایی و ئابووریی حکوومەتی هەرێمی کوردستان پرسی مووچەی مانگی نیسان (چوار)ـی فەرمانبەران، ڕادەستکردنی داهاتە نانەوتییەکان و چەند پرسێکی دیکە لەگەڵ وەزارەتی دارایی فیدراڵی تاوتوێ دەکات.
ئێوارەی دوێنێ شەممە، 27-04-2024، شاندێکی تەکنیکی بە سەرۆکایەتیی ئاوات جەناب نووری، وەزارەتی دارایی و ئابووریی حکوومەتی هەرێمی کوردستان گەیشتە بەغدا.
بەیانیی ئەمڕۆ یەکشەممە، 28-04-2024، شاندە تەکنیکییەکەی وەزارەتی دارایی و ئابووریی حکوومەتی هەرێمی کوردستان، بە مەبەستی تاوتوێ کردنی پرسی مووچەی مانگی نیسان (چوار)ـی فەرمانبەرانی هەرێمی کوردستان، ڕادەستکردنی داهاتە نانەوتییەکان بە حکوومەتی عێراق، کۆبوونەوەکەی لەگەڵ شاندێکی وەزارەتی دارایی فیدراڵی دەستپێکرد.