هانسی فلیکی ڕاهێنەری یانەی بەرشەلۆنە باسی لە دوایین ئامادەکارییەکانی کرد بۆ ڕووبەڕووبوونەوەی یانەی ڕیال سۆسیداد، سبەی یەکشەممە، لە گەڕی ١٣ی لالیگا.
فلیک، لە کۆنگرە ڕۆژنامەوانییەکەدا بۆ یارییەکە وتی: ئێمە دەمانەوێت هەموو یارییەک سەرکەوتن بەدەستبهێنین… ئێستا بەرامبەر ڕیال سۆسیداد یاری دەکەین، و بەڕاستی شێوازی یاریکردنیان بەدڵە ئەوان تیپێکی زۆر تەکتیکی و زیرەکن و ئەوەش دەبێت یارییەکی سەرنجڕاکێش”.
ئاماژەی بەوەشکرد، پێموایە سبەی کوپارسی لەگەڵمان دەبێت، دوای ئەوەی بەشداری مەشق و ڕاهێنانە تەواوەکانی کردووە، هاوکات لامین یامال مەشق و ڕاهێنانی سنوورداری ئەنجامداوە و دەبینین سبەی بارودۆخی چۆن دەبێت، لەکاتێکدا ئۆلمۆ لە شەوەوە تووشی کێشە بووە، لەگەڵ چارەسەریشدا هیوادارم ئامادە بێت بۆ یارییەکەی سبەی”.