بۆ یەکێتی تۆپی پێی کوردستان
بابەت بەیاننامەی نارەزایی
دوای ئەوەی ئەمرۆ یانەکەمان لە خولی نایابی کوردستان لە تۆپی پێ سەرکەوتنێکی گرنگی بە دەست هێنا بە گۆلێکی بێ ووڵام بەرانبەر یانەی ئاکرێ ، کە یارییەکە لە یاریگای ئاکرێ بەرێوە چوو ، بەڵام بە داخەوە لە دوای تەواو بوونی یاریەکە بەشێکی زۆر لە لە جەماوەری یانەی ئاکرێ بە توندی هێرشیان کردە سەر یاریزانان و دەستەی راهێنەران و کارگێری یانەکەمان کە بە چەقۆ و دار و بەرد کەوتنە گیانیان ، کە بووە هۆی برینداربوونی چوار یاریزان ئەوانیش ( گۆران ناسیح ، عەلی کاروان ،هۆگر حوسێن ، حەسەن فالح ) ، ئەگەرچی برینی گۆران ناسیح زۆر سەختە .
بۆیە ئێمە وەکو دەستەی کارگێری یانەی وەرزشی هەولێر بە توندی ئیدانەی ئەو هێرشە نارەوایە دەکەین ، لە کاتێکدا پێمان وایە وەرزش رێز و خۆشەویستی و پەیامی ئاشتیە وە بردنەوە و دۆرانە بەڵام بە داخەوە ،
بۆیە داوا لە یەکێتی تۆپی پێی کوردستان دەکەین بە زووترین کات دەست بە لێکۆڵینەوە بکات ، وە سزای توندی هەموو ئەو کەسانە بدرێت کە هۆکار بوونە بۆ ئەم ئاژاوەگێریە تا یاریگاکان پاک بکرێنەوە لە کەسانی گێرە شێوێن ، ئەم ئەرکەش لە ئەستۆی ئێوەیە ،
چاوەروانی بریاری عادیلانەی ئێوەی بەرێزین تا مافی یانەکەمان و لاوەکانمان بە فیرۆ نەچێ .
دەستەی کارگێریی یانەی وەرزشیی هەولێر
(٩/٢/٢٠٢٥)