فیدراسیۆنی تۆپی پێی عێراق بانگهێشت نامەیەکی فەرمی بۆ مەسعود میراڵی ڕاهێنەری پێشتری یانەی دهۆک ناردوە،کە داوا کراوە میراڵ لە ڕێککەوتی 25/5/2025 لە بەغدا ئامادەبێت لەبەردەم لێژنەی پێداچوونەوەی خولەکە وەڵامی چەند پرسیارێکیان بداتەوە
هۆکاری ئەو بانگهێشتەش دەگەڕێتەوە بۆ ڕووداوەکانی یاری نێوان یانەی دهۆک و تەڵەبە لەگەڕی 33ی خولی ئەستێرەکانی عێراق،کە لەسەر بڕیارێکی ناوبژیوانی یاریەکە”محمد تارق” مەسعود میراڵی ڕاهێنەری پێشتری دهۆک کۆنتڕۆڵی خۆی لەدەستدا و بەتوندی ڕووبەڕووی ناوبژیوان بوویەوە و بە ئاماژەی دەستیش چەند پەیامێکی لەڕووی کامێراکانەوە بۆ بەڕێوبەرانی خولەکە نارد
هەر بەهۆی ئەمەشەوە دهۆک سزای قورسی بەسەر سەپێنرا و پێژاردنی دارایی یانەکە و سزای ڕاگرتنی مەسعود میراڵی ڕاهێنەری یانەکە بۆ ماوەی 6 مانگ،کە میراڵ ناتوانێت بۆ هیچ چالاکیەکی وەرزشی لەو ماوەیەدا ئامادە بێت و سەرپەرشتی مەشقی ڕاهێنانیش ناتوانێت بکات
“سەرکار ڕێبوار”