ئەمڕۆ لە نوێترین زانیاریدا دەربارەی پێکانەکەی فڕانسیکۆ ئیسکۆ ئەلارکۆن ئەستێرەی پێشووی ڕیاڵ مەدرید و ئێستای ڕیاڵ بێتیس،کە دوای ئەوەی شەممەی ڕابردوو لە یاریەکی ئامادەکاری یانەکەی بۆ وەرزی نوێ بە سەختی تووشی پێکانێکی پاژنەی پێی بوو.
ئەمڕۆ ڕۆژنامەی “ئاس”ی ئیسپانی بڵاویکردەوە ئیسکۆ بۆ ماوەی 3 مانگ لە یاریگاکان دادەبڕێت و نەشتەرگەریەکی گەورە بۆ پاژنەی پێی دەکرێ،کە ئەمە لە دوو ساڵدا دەبێتە سێیەم نەشتەرگەری ئیسکۆ ئەنجامی بدات بە هۆی پێکانی قورسەوە.
بەم هۆیە ئیسکۆ بەشداری زیاتر لە 12 گەڕی لالیگا ناکات و بەلانیکەم ناتوانێ بەشداری 4 گەڕی یۆرۆپالیگیش بکات،بەمەش ڕیاڵ بیتیس زەبرێکی کوشندەی بەر دەکەوێت و ناچار زیاتر دەچێتە پێش لە بۆند کردن لەگەڵ دانی سیبایۆسی یاریزانی ڕیاڵ مەدرید.
“سەرکار ڕێبوار”