بەرپرسانی یانەی مانچستەر یونایتد ئامانجیانە پارێزگاری لەو یاریزانانە بکەن کە دەتوانن بۆ چەند ساڵی داهاتوو خزمەتی تیپەکەیان بکەن.
پێگەی تیم تۆک بڵاوی کردووەتەوە کە شەیتانە سوورەکان ئامانجیانە گرێبەستی هاری ماگوایەر تاوەکوو حوزەیرانی ساڵی 2028 درێژ بکەنەوە،سەرچاوەکە ئەوەی ئاشکراکردووە کە مانیو لە هاوینی داهاتوودا یاریزانێکی پێگەی بەرگری دەگوازنەوە، بەڵام مانەوەی ماگوایەر بۆئەوەیە سوود لە ئەزموونە باشەکەی وەربگرن.
لەلایەکیترەوە یاریزانەکەش دڵخۆشە بە یارییکردن لە مانچستەر یونایتد و پێشبینی دەکرێت بابەتی نوێکردنەوەی گرێبەستەکەی کاتێکی زۆری نەوێت،ئەستێرە ئینگلیزییەکە لەگەڵ شەیتانە سوورەکان بەشداری 255 یاریی کردووە و لەوماوەیەدا توانیوێتی 17 گۆڵ و نۆ ئەسیست تۆماربکات.