بەڕێوەبەرایەتی پۆلیسی ڕاپەڕین، لەپەڕەی خۆی لە فەیسبووک ڕایگەیاند، بەرەبەیانی ئەمڕۆ یەکشەممە، 26-1-2025، لە شەڕو دەماقاڵێی نێوان چەند گەنجێک لە ڕانیە کەسێک کوژراوە و سێ دیکەش برینداربوون.
بە گوتەی پۆلیسی ڕاپەرین ئەو کەسەی گیانی سپاردووە، تەمەنی 23 ساڵە و کاتێک بە ئەمبوڵانس ڕەوانەی سلێمانی کراوە لەڕێگا گیانی سپاردووە.
بەڕێوەبەرایەتی پۆلیسی ڕاپەڕین ئاماژەی بەوەش کردووە، تەواوی تۆمەتبارانی ئەو ڕووداوە بەفەرمانی دادوەردەستگیر کراون و لێکۆڵینەوەش بەردەوامە.