فیلمی درامای کۆمەڵایەتی “Regretting You” لەوەتەی لە ٢٤ی تشرینی یەکەمەوە نمایش کراوە، توانیویەتی سەرنجی بینەران بەلای خۆیدا ڕابکێشێت و داهاتێکی باشی ٩٠ ملیۆن و ٤٣٦ هەزار دۆلار لە ئاستی جیهانیدا بەدەست بهێنێت، کە بەسەر ٤٨ ملیۆن لە ئەمەریکا و ٤١ ملیۆن لە وڵاتانی تر دابەش بووە.
فیلمەکە لە ڕۆمانی پڕفرۆشی “کۆلین هوڤەر”ەوە وەرگیراوە و باس لە پەیوەندی ئاڵۆزی نێوان دایکێک (مۆرگان) و کچە هەرزەکارەکەی (کلارا) دەکات.
ڕووداوەکان کاتێک دەست پێ دەکەن کە هاوسەری مۆرگان لە ڕووداوێکی هاتووچۆدا گیان لەدەست دەدات، ئەمەش دەبێتە هۆی ئاشکرابوونی نهێنییە شاردراوەکانی ڕابردوو و دروستبوونی کەلێن لە نێوان دایک و کچەکەدا.
ئەکتەران ئەلیسۆن ویلیامز و ماکینا گرەیس ڕۆڵی دایک و کچ دەگێڕن و فیلمەکە هەوڵدەدات پەیامی لێبوردەیی و خۆدۆزینەوە بە بینەر بگەیەنێت.